Hasrat Hay Tumhari Deed Karain
Tum Aao Tu Hum Bhi Eid Karain
Kuch Roz Tu Dil Ko Chain Milay
Kuch Roz Tu Munn Ka Phool Khilay
Kehtay Hain Eid Ki Aamad Hay
Hum Log Bhi Ta'eed Karain
Tum Aao Tu Hum Bhi Eid Karain
Tum Say Yeh Aik Guzarish Hay
Yeh Apnay Dil Ki Khuwaish Hay
Ek Bar Milo Ek Bar Milo
Har Bar Yehi Ta'eed Karain
Tum Aao Tu Hum Eid Karain
Jab Ghum Ke Badal Chaye Thay
Uss Waqt Bhi Tum Na Aye Thay
Iss Bar Bhi Tum Nahin Aye Ho
Sab Dushman Yeh Tanqeed Karain
Tum Aao Tu Hum Eid Kariain
Mana Ke Hum Dewanay Hain
Sab Batoon Say Anjanay Hain
Jab Apnay Hi Bayganay Hain
Kya Ghero'n Say Umeed Karain
Tum Aao Tu Hum Bhi Eid Karain.
